Nettbutikk og kontor for Bygdepride i Ørsta

– I nettbutikken vår sel vi forskjellige varer folk elles berre får kjøpt i festivalveka i mai. Varene er i hovudsak produsert med lokale partnarar, og inntektene går direkte til Bygdepride, fortel leiar for Bygdepride, Anbjørn Steinholm Frislid i ei pressemelding.

Julegåver

Bygdepride håper folk kan kjøpe julegåver frå sortimentet, og held nettbutikken open til og med søndag 15. desember. De opnar butikken att i byrjinga av januar, og vil etter kvart utvide sortimentet med fleire varer. 

Varene frå nettbutikken vert sendt i posten til heile landet, eller dei kan hentast i dei nye lokala til Bygdepride i Strandgata i Ørsta.

Folk kan også avtale henting av varer kjøpt i nettbutikken på kontoret.

– Vi har leigd kontor- og lagerplass i Røde Kors-huset. Kontoret vil vere ope kvar laurdag. Kom gjerne innom for ein handel, eller berre for ein prat, seier Steinholm Frislid.