Lege snoka ulovleg i helsejournal: Får berre åtvaring

- Eg er usikker på om statsforvaltaren forstår kor alvorleg dette er, seier Karoline Skarstein nyleg avtroppa leiar i Rogaland FRI.

For litt over eit år sidan oppdaga ho at ein lege ho aldri hadde høyrd om hadde fått tilgang til helsejournalen hennar, utan at ho hadde gjeve tillating til det. No har statsforvaltaren i Rogaland konkludert med at legen braut lova.

- Korleis oppdaga du at dette hadde skjedd?

- Det var eigentleg tilfeldig. Eg var innom journalloggen og reagerte på eit etternamn eg ikkje kjende att. Det var frå eit legekontor i Stavanger som eg aldri hadde vore på.