Helt agurk - Runar Jordåen

Runar Jordåen kombinerer jobb og fritid, når han drar på studietur til New York og Minneapolis. Navn: Runar JordåenAlder: 39Gjør: Fagleg leiar for Skeivt arkiv, Universitetsbiblioteket i Bergen–Hva skal du gjøre i sommer?–I juli blir det feriering på Karmøy og på Stord og litt i Oslo. Og så gler eg meg til studietur til USA med Skeivt arkiv i starten av august. Der skal me innom ulike skeive arkiv for å læra og få inspirasjon av folk som har jobba med dette lenge, f.eks. Tretter Collection i Minneapolis og Lesbian Herstory Archives i New York. I tillegg blir det nokre dagar med fritid i New York.–Hva ville folk blitt mest overrasket over at DU gjør om sommeren?–Oi, det var vanskeleg! Er ganske så traust og ikkje så full av overraskingar. At eg driv med krabbeteiner?–Hvor går du helst ut i sommer, og hvorfor?–Er litt «pride fatigued», så ser først og fremst fram til å gå turar på fjellet på Stord, der det er fantastisk utsikt både innover mot Hardanger og Folgefonna og utover mot havet. Tenker det fungerer som ei god opplading til New York i august …–Hvem ville du ha omvendt til lhbt?–Ole Paus song i si tid: «Tenk hvor deilig jorden ble hvis Carl I Hagen var rompis og dessuten skjev og skrullete og gay …» Synest generelt folk burde vore opne for å skifta filer litt oftare, det hadde gjort livet litt meir spennande. Men folk blir jo ikkje automatisk snille og gode og tar til å løysa verdensproblema av den grunn …–Sommerdings du ikke kan leve uten?–Kindle!–Favoritt app på mobilen i sommer?–Tidal, der får eg ein del av favorittmusikken min som ikkje finst på Spotify, f.eks. Neil Young. Ellers er eg ganske u-appete, det går stort sett i billettappar som Ruter og Skyss og sånne ting.–Hit drar jeg aldri tilbake?–Ein liten kjip og stygg småby i Mexico ved namn San Pedro Pochutla, eit stykke inn i landet frå Stillehavskysten. Var ekstremt solbrent etter å ha sovna på stranda dagen før og blei sitjande der og venta på nattbussen til Chiapas i timesvis. Vil heller ikkje tilbake på den bussen – varte i timevis, var solbrent, fekk ikkje sova og enda attpåtil opp med å bli forkjøla av airconditionen.–Hit drar jeg gjerne igjen?–Mange plassar, men ikkje minst Berlin. Blir aldri ferdig med den byen. Den avslappa atmosfæren, utelivet og historia som er til stade over alt du går.–Hvis du får utenlandske gjester, hva vil du vise frem av Norge?–Ville begynt med Oslo og dei delane av byane turistane sjeldan ser, tatt dei med oppover langs Akerselva til Grünerløkka og Torshov. Så tatt Bergensbanen og tilbrakt nokre dagar i Bergen, der det sjølvsagt skulle vera sol og sommar, med tur på Knatten og Fløyen, middag på Pingvinen, utepils på Verftet og grilling og bading i Nordnesparken. Til slutt: ein rundtur i Sunnhordland med både båt- og fjellturar.–Hva vil du ikke vise frem?–Nedre del av Karl Johan. Frakkagjerd.–Hvilken homo, lesbe, bi eller transperson ville du latt planlegge ferien din og hvorfor?–Som den skeiv historie-nerden eg er skulle eg gjerne vore i Berlin på 1920-talet og fått nokon til å ta meg med på ein rundtur i dei skeive miljøa i byen. For eksempel Lotte Hahm, ei butch lesbe som var leiar for lesbeklubben «Violetta» og som var involvert i det aller meste frå cabaretopptredenar med trekkspel og herredress til politisk arbeid.–Hva leser du i sommer?–Akkurat no fagboka «The Homoerotics of Orientalism» av Joseph Allen Boone. Han viser at europearar frå mellomalderen av og heilt fram mot vår tid har vore prega av «orientalistiske» oppfatningar av Midt-Austen som ein stad for uhemma homoerotikk. Mange vestlege reiseskildringar var prega av mytar om dei umoralske «andre» som ein kontrast til «oss» siviliserte og dydige. Samtidig viser Boone at det svært lenge faktisk var eit langt større rom for positive bilete av kjærleik mellom menn i det islamsk prega Osmanske riket enn i det kristne Europa. Fascinerande bok, som trass i at ho er akademisk er veldig godt skrive. Men sommaren er først og fremst tida for å lesa romanar.–Favorittsommerlåt?–Teenage Fanclubs «Ain’t that enough».